蕃茄牛尾湯

識我啲朋友仔都知道我係個湯怪，超鐘意飲湯，呢個牛尾湯係大少鐘意啲西湯之一，當我想飲湯又諗唔到煲咩湯啲時候就會諗起蕃茄牛尾湯 / 蕃茄南瓜湯，今日就整返個牛尾湯加個沙津，搞掂 ~

加埋個沙律就係我地啲晚餐啦 ~ 哈哈

材料 :

急凍牛尾                        1包

蕃茄                              4個

椰菜                              1個

洋蔥                              1個

紅蘿蔔                           1條

月桂葉                           2片

蕃茄膏                           2湯匙

水                                 2公升

做法 :

牛尾汆水後過冷河，洗淨備用

蕃茄洗淨切件，椰菜洗淨切件，洋蔥去皮切絲，紅蘿蔔刨皮切條，備用

下油鑊香洋蔥、牛尾、蕃茄及蕃茄膏後，加入紅蘿蔔、月桂葉及椰菜，再加水大火煮滾後轉小火煲2.5小時或至牛尾淋身，最後加鹽調味，飲湯啦 ~