識我啲朋友仔都知道我一向滴酒不沾,唔係我酒量唔好,事關酒精敏感,所以好少飲酒
每次經過街市都見到啲梅實在太靚,見姑拉每年都會浸梅酒,好想試吓 ~
最後買咗3磅梅,浸咗2樽梅酒,餘下啲梅用蜜糖醃好,可以用嚟整甜品或者沖水飲,Yummy !!
1樽 - 1ml既樽用咗青酒、清梅、冰糖 (份量 3:2:1)
另1樽用咗青梅、清酒、黑糖 (見到有黑糖梅酒買,所以試吓 ~)
做法 :
青梅洗淨,放於通風位過夜,風乾後用刀叉刺孔,備用
將一層青梅放入玻璃瓶內,加一層冰糖,重覆此步驟至逹瓶頸位,灌入清酒,蓋上瓶蓋即可
久不久轉動酒瓶,令冰糖融化,1年後就有梅酒飲啦 ~
黑糖梅酒我都想試下哩 !!
回覆刪除[版主回覆04/10/2010 12:06:00]一齊試吓啦 ~
請問係邊度有得賣呀 ???
回覆刪除[版主回覆04/04/2011 10:49:00]街市
請問你喺區街市買青梅架? 我都想試吓
回覆刪除[版主回覆04/14/2011 22:50:00]牛頭角街市