豬頸肉本菇炒米

唔知係未之前做咗幾個月全職廚娘，搞到而家成日都想煮吓嘢食，好多時諗好咗整咩去到街市/超市都會買唔到想要啲材料，都係去到睇吓有咩材料先決定整咩會好啲

今日去 market place 見到有個人擇咗好多隻牌子啲米粉，左睇右睇最後都無買  見佢擇得咁好開，我都買包米粉炒吓先.. 準備埋單閃人之際，大少打嚟話要飲湯.. 唉.. 見到佢至愛啲草菇加埋勝瓜滾湯，搞定.. 閃人，用最快啲時間返屋企開工

勝瓜草菇湯

材料 :

米粉                                1-2個

急凍豬頸肉                       1包

本菇                                1包

椰菜                                半個

蒜蓉                                1湯匙

煲仔飯醬油                       適量

魚仔辣椒醬                       2茶匙

做法 :

米粉用凍水浸15分鐘至軟身，隔去水份、本菇去蒂、椰洗淨切絲、豬頸肉略醃，備用

下油鑊香蒜蓉、豬頸肉加魚仔辣椒醬爆香後，加入本菇、椰菜絲後，加入米粉炒至乾身，加煲仔飯醬油兜勻，調味食得 ~