沙爹肥牛炒河

買咗樽沙爹醬，一直都無機會用，今日想食沙爹肥牛，就用嚟炒河粉啦 ~ 呢個炒河有大少至愛啲牛肉同沙爹，完全合灑佢心意  加埋個冬瓜蓉湯，正呀 ~

海皇冬瓜蓉湯

材料 :

炒河                           1斤

肥牛                           1包

洋蔥                           半個 (切絲)

芽菜                           4両

蒜蓉                           1湯匙

沙爹醬                        2湯匙

做法 :

肥牛略醃，下油炒至8成熟，盛起備用

白鑊略爆芽菜盛起，備用

下油爆香蒜蓉、洋蔥及沙爹醬 (如果太杰可以加少少水)，加入河粉炒勻，再加入肥牛、芽菜兜勻，調味食得 ~