簡便晚餐

感冒幾日食咗啲西藥好攰，仲要加埋牙肉發炎，無灑胃口，本來諗住滾個魚湯嚟飲吓，尋晚已然無心機煮嘢，大少要買飯盒食，今日都要整返啲嘢個佢食，未佢會投訴架

最後決定滾個湯飲，加隻雞肶個整碗米線過大少，加個大眼雞湯，yummy ~ 大少好滿意，哈哈 !!

海南雞肶米線，加埋個蕃茄薯仔大眼雞湯底，嘩 ~

海皇冬瓜蓉羹

平時滾冬瓜湯多數都係切粒粒，有時都會覺得唔夠淋身，所以我就將啲冬瓜刨蓉再滾湯，大少好鐘意飲 ~

之前都 encore 過幾次，今日就將個湯放想 blog  ，等大家都可以試吓，真係好好味架 ~

材料 :

冬瓜                        1斤半

冬菇                        4隻

蝦                           6隻

帶子                        4隻

瑤柱                        適量

雞湯                        500ml

薑                           2片

做法 :

冬瓜去皮去籽，刨成蓉，冬菇去蒂用水浸軟切粒，瑤柱用水浸軟，備用

蝦、帶子洗浸切粒，備用

薑、水及浸冬菇啲水煲滾後，加入冬瓜蓉、冬菇、瑤柱滾15-30分鐘，再加入蝦、帶子滾5-10分鐘，下鹽調味飲得 ~

沙爹肥牛炒河

買咗樽沙爹醬，一直都無機會用，今日想食沙爹肥牛，就用嚟炒河粉啦 ~ 呢個炒河有大少至愛啲牛肉同沙爹，完全合灑佢心意  加埋個冬瓜蓉湯，正呀 ~

海皇冬瓜蓉湯

材料 :

炒河                           1斤

肥牛                           1包

洋蔥                           半個 (切絲)

芽菜                           4両

蒜蓉                           1湯匙

沙爹醬                        2湯匙

做法 :

肥牛略醃，下油炒至8成熟，盛起備用

白鑊略爆芽菜盛起，備用

下油爆香蒜蓉、洋蔥及沙爹醬 (如果太杰可以加少少水)，加入河粉炒勻，再加入肥牛、芽菜兜勻，調味食得 ~

勝瓜草菇湯

材料 :

勝瓜                      1條

草菇                      半斤

瘦肉                      適量

薑                         2片

水                         1.5公升

做法 :

勝瓜刨皮滾刀切件、草菇切半、瘦肉切片略醃，備用

水煲滾後加入薑、瘦肉及草菇中火滾15-20分鐘，再加入勝瓜滾10鐘，加鹽調味，搞定 !!

豬頸肉本菇炒米

唔知係未之前做咗幾個月全職廚娘，搞到而家成日都想煮吓嘢食，好多時諗好咗整咩去到街市/超市都會買唔到想要啲材料，都係去到睇吓有咩材料先決定整咩會好啲

今日去 market place 見到有個人擇咗好多隻牌子啲米粉，左睇右睇最後都無買  見佢擇得咁好開，我都買包米粉炒吓先.. 準備埋單閃人之際，大少打嚟話要飲湯.. 唉.. 見到佢至愛啲草菇加埋勝瓜滾湯，搞定.. 閃人，用最快啲時間返屋企開工

勝瓜草菇湯

材料 :

米粉                                1-2個

急凍豬頸肉                       1包

本菇                                1包

椰菜                                半個

蒜蓉                                1湯匙

煲仔飯醬油                       適量

魚仔辣椒醬                       2茶匙

做法 :

米粉用凍水浸15分鐘至軟身，隔去水份、本菇去蒂、椰洗淨切絲、豬頸肉略醃，備用

下油鑊香蒜蓉、豬頸肉加魚仔辣椒醬爆香後，加入本菇、椰菜絲後，加入米粉炒至乾身，加煲仔飯醬油兜勻，調味食得 ~

白汁蜆肉意粉

今日放工去到街市大部份鋪頭已經關咗.. 暈.... 行過海鮮鋪見到有蜆買，諗起白汁蜆肉意粉加埋個節湯，搞掂 ~ 最緊要係快，時關病病地，又攰又肚餓

節瓜咸蛋湯

材料 :

意粉                                 200g

忌廉磨菇湯                        1罐 (細)

洋蔥                                 半個 (切絲)

蒜蓉                                 1湯匙

白酒                                 適量

蜆                                    1斤

黑椒                                 適量

香草                                 適量

水                                    約1.5-2 公升 (煮意粉用)

做法 :

蜆用洗水浸30分鐘以上，待蜆吐沙後，洗淨備用

水煲滾後下入1湯匙鹽，加入意粉按照包裝上烹調時間 (減去2分鐘)，將意粉煮熟後，盛起隔去水份備用

下油鑊香洋蔥、蒜蓉後，加入蜆及白酒蓋上蓋煮約5-10分鐘至蜆熟後，將蜆盛起去殼備用

加入忌廉磨菇湯兜勻後，加入意粉及蜆肉拌勻上碟，最後灑上黑椒及香草，食得 ~

節瓜咸蛋湯

材料 :

節瓜                        2條

咸蛋                        1隻

廋肉                        約 400g

粉絲                        1包 (細)

薑                           2片

水                           1.5公升

做法 :

節瓜去皮切條，瘦肉略醃後切片，粉絲用水浸軟剪成細段，備用

將水煲滾加入薑煮滾後，加入瘦肉及節瓜，煲15分鐘，加入咸蛋攪勻後加入粉絲煮10-15分鐘，最後加鹽調至合適味道，飲得 ~

芒果布甸 encore

期近啲芒果又平又正，上次用嚟整布甸比大少食佢好鐘意，今日 family day 買咗啲芒果 encore 整布甸，比大家做飯後甜品

今次減咗少少魚膠粉啲份量，事關今次全部杯上，唔用米老鼠模啦 ~

芒果布甸嚟啦 ~

甜豉油炒麵

炒麵同白粥真係好夾，係屋企炒又少油又健康

材料 :

炒麵                                 1個

蔥                                    2棵 (切段)

芽菜                                 半斤

煲仔飯醬油                        適量

鹽                                    少許

做法 :

炒麵用水浸30分鐘至軟身，盛起隔去水份，備用

白鑊下芽菜略炒，盛起備用

下油爆香蔥段，加入炒麵炒至乾身，下煲仔飯醬油炒勻後加入芽菜兜勻，最後下鹽調味，食得 ~

蕃茄牛尾湯長通粉

今日大少約咗朋友仔食飯，1個人諗唔到煮啲咩好，所以整個長通粉食

大家唔好諗住我用罐頭嚟湯整呀 ，個蕃茄牛尾湯係自已煲架，哈哈 ~

時關上星期買咗2包牛尾，第2日又要去馬交，費時食唔曬浪費，最後決定整1包，所以今日 encore 牛尾湯加埋長通粉，yummy

材料 :

蕃茄牛尾湯                        1大碗

長通粉                              80g

乾什香草                           少許

水                                    1.5公升 (煮長通粉用)

鹽                                    1湯匙 (煮長通粉用)

做法 :

水煲滾後下鹽攪勻，加入長通粉按包裝指示之時間將通粉煮熟後，過冷河備用

將長通粉放於碟內，加入蕃茄牛尾湯，灑上香草 ~ 食得

蕃茄豆腐石九公湯

石九公唔係成日買到，今日見到有得買所以整埋個湯配飯個海南雞飯

材料 :

蕃茄                           4個

豆腐                           1件

石九公                        1斤

薑                              2片

熱水                           1公升

做法 :

蕃茄洗淨切件，豆腐略洗壓去水份切件，備用

石九公洗淨後吸乾水份，備用

下油加入薑片略爆，加入石九公煎香2面後，加入熱水煲30分鐘後，隔渣

將魚湯煲滾後加入蕃茄及豆腐滾15-30分鐘，下鹽調味，飲得 ~

海南雞飯

今日好想食海南雞飯，呢個做法好方便又快，浸完雞啲湯我仲用嚟灼菜 ~ 哈哈

除咗個飯仲整埋個石九公湯，嘩 ! Yummy !!

蕃茄豆腐石九公湯

材料 :

新鮮雞脾  2隻

西蘭花  1棵

海南雞飯醬  1盒

米  1.5杯

雞湯  1.5杯 (浸過雞啲湯)                                   

水  2公升 (浸雞用)

做法 :

雞脾洗淨，西蘭花洗淨切件，米洗淨，備用

煲滾水加入海南雞飯配料大火煮滾後，加入雞脾蓋上蓋煮滾後熄火，焗30分鐘，將雞脾放入冰水浸10-15分鐘後，盛起瀝乾水份，備用

將米、海南雞飯香料油及水，放入飯煲內攪勻，待煮好飯後用筷子或叉拌鬆後，蓋回煲蓋煲溫至食飯

將西蘭花放入雞湯內煮熟，盛起備用

將芝麻醬油放入沸水內煮2分鐘，雞脾切件後淋上芝麻醬油，開飯啦 ~

西班牙海鮮飯

上星期六，一行9人去澳門拜山之旅，表妹帶我地去咗間餐廳食飯，其中有個飯好好食，就係西班牙海鮮飯，材料有蜆、蝦、青口、魷魚同洋蔥，差不多600大元，不過真係好食，而且我地成12個人，價錢都ok ~

記得之前睇蘇 GOOD 教過呢個飯啲做法，加埋上網搵咗啲食譜，做法都係差唔多，尋日去咗買番紅花粉，時關番紅花比較貴，個售員話花粉都可以用嚟整海鮮飯，所以買住花粉試吓先，成功咗先買番紅花嚟整

材料 : (2-3人份量)

蝦                                  半斤

蜆                                  1斤

青口                               半斤

洋蔥                               半個

蒜蓉                               1茶匙

蕃茄                               1個

意大利米                         200g

湯雞                               200ml

白酒                               200ml

番紅花粉                         1包

紅椒粉                            1茶匙

做法 :

蝦洗淨，剪去眼、腳、尾部尖位、挑去蝦腸及取去蝦腦，備用

蜆、青口用水浸數小時吐沙後，隔去水份，清洗外殼，青口撕去毛髮，備用

洋蔥切細粒、蕃茄洗淨切細粒，備用

下油將蝦煎至8成熟，盛起備用

下油爆香洋蔥、蒜蓉、蕃茄及意大利米，加入白酒至收乾水份後加入番紅花粉及紅椒粉略炒，加入雞湯用小火蓋上蓋煮10分鐘，加入蝦、蜆及青口，蓋上蓋用中火煮10-15分鐘至熟透，食得 ~

柑桔水

前幾日整咗 Bonnie 啲鹹柑桔 ~ 快速醃法話3-4日就可以沖水飲，今日就用嚟沖水試吓味道唔錯，再醃耐啲我諗會仲正，試咗一淡加咗啲蜜糖，嘩 ~ 好正呀 !!

鹹柑桔~快速醃法

蕃茄牛尾湯

識我啲朋友仔都知道我係個湯怪，超鐘意飲湯，呢個牛尾湯係大少鐘意啲西湯之一，當我想飲湯又諗唔到煲咩湯啲時候就會諗起蕃茄牛尾湯 / 蕃茄南瓜湯，今日就整返個牛尾湯加個沙津，搞掂 ~

加埋個沙律就係我地啲晚餐啦 ~ 哈哈

材料 :

急凍牛尾                        1包

蕃茄                              4個

椰菜                              1個

洋蔥                              1個

紅蘿蔔                           1條

月桂葉                           2片

蕃茄膏                           2湯匙

水                                 2公升

做法 :

牛尾汆水後過冷河，洗淨備用

蕃茄洗淨切件，椰菜洗淨切件，洋蔥去皮切絲，紅蘿蔔刨皮切條，備用

下油鑊香洋蔥、牛尾、蕃茄及蕃茄膏後，加入紅蘿蔔、月桂葉及椰菜，再加水大火煮滾後轉小火煲2.5小時或至牛尾淋身，最後加鹽調味，飲湯啦 ~

梅酒

識我啲朋友仔都知道我一向滴酒不沾，唔係我酒量唔好，事關酒精敏感，所以好少飲酒

每次經過街市都見到啲梅實在太靚，見姑拉每年都會浸梅酒，好想試吓 ~

最後買咗3磅梅，浸咗2樽梅酒，餘下啲梅用蜜糖醃好，可以用嚟整甜品或者沖水飲，Yummy !!

 

1樽 - 1ml既樽用咗青酒、清梅、冰糖 (份量 3:2:1)

另1樽用咗青梅、清酒、黑糖 (見到有黑糖梅酒買，所以試吓 ~)

做法 :

青梅洗淨，放於通風位過夜，風乾後用刀叉刺孔，備用

將一層青梅放入玻璃瓶內，加一層冰糖，重覆此步驟至逹瓶頸位，灌入清酒，蓋上瓶蓋即可

久不久轉動酒瓶，令冰糖融化，1年後就有梅酒飲啦 ~

同場加影 ~ 蜜糖醃梅子

蜜糖醃梅子

今日浸咗梅酒，餘下啲梅唔知點好，係個日本啲網站見到蜜糖醃梅子，見屋企有蜜糖所以試吓

材料 :

青梅                        400g

蜜糖                        400g

做法 :

青梅洗淨，放於通風位過夜，風乾後用刀叉刺孔，備用

將青梅放入玻璃瓶內，加入蜜糖，蓋上瓶蓋

和青梅有個約會 ~ 梅酒

生菜魚丸粥

今日我同大少都諗唔到晚餐食咩之際，大家突然想食粥，嘩 ~ 真係夾　 

大少想食蠔仔粥，今日無蠔仔賣呀 ~ 突然諗起生菜魚丸粥，呢個粥大少試過1個星期叫我整2-3次，真係聽到都驚驚呀  

材料 :

魚肉                        適量

生菜                        半斤 (切絲)

果皮                        1塊

腐竹                        1片

米                           1杯

水                           8杯

做法 :

魚肉用胡椒粉、生抽、麻油及紹酒醃好備用

米洗淨，果皮洗淨用水浸軟去瓤，備用

米、水 (凍水)、腐竹及果皮放入高速煲內用大火煮滾後，轉小火煮15分鐘，熄火待高速煲自動排氣後，大火加入魚肉丸加入煮熟，最後加入生菜及鹽調味，食粥 ~