乾炒牛河

一向認為炒河粉係比較難到高啲菜色，又多油又難炒得好，所以一路都唔無整過，睇完蘇 GOOD 同都市閒情又好似唔係好難，一於試吓用過新買啲 NEOFLAM 炒鑊嚟整 當然仲要加埋我至愛啲辣椒醬啦，yummy

材料 : (2人份量)

河粉 (要炒嗰種)                        1斤

牛肉                                        適量

芽菜                                        四両

洋蔥                                        半個

蔥                                           2棵

牛肉醃料 :

糖                                           1茶匙

生油                                        1茶匙

酒                                           適量

麻油                                        少許

油                                           少許 (炒牛肉之前先落)

汁料 :

生抽                                        2湯匙

老抽                                        3湯匙

麻油                                        1茶匙

糖                                            適量

鹽                                            適量

做法 :

1.   牛肉切片後用醃料醃15-30分鐘，河粉要用手撕返開1條條，洋蔥切絲，蔥切段，備用。

2.   白鑊下芽菜爆香，盛起，下油將牛肉炒至8-9成熟，盛起備用。

3.   下油炒香蔥、洋蔥，加入河粉炒香後加入汁料炒勻後，再加入牛肉及芽菜，調味即可。