蠔仔肉碎粥

尋日大少話好奈無食過蠔仔粥，今日見到街市啲蠔仔幾靚買咗啲返嚟煲蠔仔肉碎粥比佢食

  

材料 :

蠔仔                        1斤

肉碎                        適量

白飯                        2碗

雞湯                        1公升

蔥粒                        適量

莞茜 (切碎)              適量

中國芹菜 (切粒)        適量

冬菜                        適量

肉碎醃料 :

生抽                        1茶匙

糖                           少許

麻油                        少許

酒                           少許

胡椒粉                     少許

調味料 :

鹽                           少許

魚露                        少許

胡椒粉                     少許

大地魚粉                  少許

(想香啲可以買大地魚干，去頭同骨用油炸香後切粒，會香啲架，但我同大少都唔多鐘意食，所以用咗大地魚粉代替)                       

做法 :

蠔仔用生粉攪勻後用水洗乾淨 (重覆3-4次)，再將蠔仔汆水備用 (啲蠔仔有好多碎既殼黐係蠔身，大家清洗啲時候要留意呀)。

煲滾雞湯後加入肉碎、白飯及冬菜煮滾，加入調味料調至合適味道後，加入蠔仔及芫茜煮滾後熄火，加入蔥粒及芹菜粒。