日式鰻魚炒飯

尋日整蠔仔粥，煮飯啲時間專登整多2碗飯，留返今日用嚟炒飯

本來想跟通少整菠蘿海鮮炒飯，不過炒飯對我嚟講係好難架 ~ 仲要加埋海鮮真係無咩信心，之前炒飯唔係太濕就係太黏鑊，所以我比較少整炒飯，多得通少啲提點，今次都算成功 ，真係要多謝通少指教 ~

材料 :

日式鰻魚                        1條

雞蛋                              2隻 (用生抽及胡椒粉拌勻)

粟米粒                           半碗

冷飯                              2飯

魚子                              適量

調味料 :

鰻魚汁                          2湯匙

生抽                              少許

鹽                                 少許

做法 : 

鰻魚用180度焗爐，焗5-10分鐘後切粒，備用

下油加入半份雞蛋快炒後，加入冷飯炒香，再加入餘下之雞蛋炒至乾身

加入鰻魚粒、粟米粒炒勻後，再加入調味料炒勻熄火後加入魚子，完成