九肚魚粉絲湯

呢個湯係一位潮州人教我既，都有一段時間無整過，係街市見到啲九肚魚好靚所以諗起呢個湯

個湯好快就搞掂，又可以用嚟做餸，正呀

材料 :

九肚魚                        1斤

粉絲                           1包 (細)

肉碎                           半磅

冬菜                           適量

雞湯                           1公升

芫茜                           適量 (切碎)

肉碎醃料 :

胡椒粉                        少許

生抽                           1茶匙

麻油                           1茶匙

紹酒                           少許

九肚魚醃料 :

魚露                           4湯匙

胡椒粉                        少許

紹酒                           少許

做法 :

九肚魚洗淨切段，用醃料醃15-30分鐘，肉碎用醃料醃好，粉絲用水浸軟，備用

下油爆香、冬菜、肉碎後加入雞湯煮滾

再加入九肚魚、粉絲煮滾後加鹽調味，最後加入芫茜碎，搞掂飲湯啦 ~