XO醬豬頸肉炒麵

天氣終於回暖無咁凍，可以唔洗再整煲仔菜啦 不過有時都好難諗整咩食，大少order 炒麵佢食，去到超市大部份啲嘢都係用嚟打邊爐，見到啲豬頸肉就用嚟炒麵啦..

材料 :

豬頸肉                                1包

椰菜                                    半個

炒麵                                    2個

蔥                                        適量

XO醬                                  適量

煲仔飯醬油                        適量

鹽                                        適量

做法 :

1.   椰菜洗淨切絲、蔥洗淨切段，炒麵用凍水浸30分鐘，隔去水份備用。

2.   下油鑊香蔥段、豬頸肉、下XO醬及椰菜，炒香後再加入炒麵，炒至干身，下煲仔飯醬油及鹽調味即可。