清湯牛腩煲

今日真係煲仔日，整完羊腩煲再嚟羊腩煲，其實我好少食牛，但係屋企有人唔食羊，所以每次整羊腩煲都會整埋牛腩煲

材料 :

原塊牛腩                        1斤

蘿蔔                              1條

清雞湯                           1公升

酸梅                               2粒

月桂葉                            2片

冰糖                               適量

薑                                  適量

芹菜                               適量

鹽                                  適量

做法 :

1.  蘿蔔去皮切件，原塊牛腩飛水洗淨備用。

2.  將清雞湯煲滾加入酸梅、月桂葉、冰糖，冰糖煮溶後，再加入牛腩，用高速煲煮15分鐘，將牛腩取出切件備用。

3. 下蘿蔔用高速煲煮2-3分鐘，將牛腩放回煲內煮滾後下芹菜，鹽調味即可。

 

   牛腩原塊炆好先切件可以保留肉汁，好味啲架 ~