蠔豉皮蛋粥

近期唔係食buffet、放題就係打邊爐，今日咁凍又唔多想出街街，最好就係煲返個粥清吓腸胃 .. 屋企有腐竹、皮蛋同蠔豉，就用嚟煲粥啦

材料 :

米                            1杯

腐竹                        1塊

水                            2公升

皮蛋                        2隻

蠔豉                        8粒

陳皮                        1塊

調味 :

鹽                            適量

做法 :

1.  蠔豉用水浸軟，切粒，陳皮浸軟去囊，備用。

2.  將所有材料放入煲內，煲至水滾後，用高速煲，煲15分鐘，熄火至高速煲自行排氣，下鹽調味即可。