豬腸頸巾

呢條頸巾無咩難度，不過睇到我眼都花埋，點解.. 你地睇吓啲冷幾花，雖然只得幾行，最煩係第1行呀  鉤到第1行就好快搞掂 ..

新作 ~

收到 Honey 要求幫忙嘅溫暖牌頸巾，係比喫仔表妹呢

契仔既溫暖牌頸巾

呢個頸巾記憶中係小學時期既1個興趣班學既，只係織過1條交功課呢 ~ 而家唔係好記得點織囉 .... 去到冷舖買冷個陣好好人既老板娘借咗個差唔多款式既圖比我參考，好彩最後都織到出嚟 ....

川貝燉雪梨

又係川貝燉雪梨，食咗個幾月西藥，啲咳都係唔停真係唔想再食西藥，尋日買鷓鴣煲川貝一家人飲，原來急凍鷓鴣都好貴架 ~ 成120蚊隻個店員話用嚟燉會好啲，1隻可以分2次飲 (1個人)，我地9個人燉湯太貴啦，最後買咗2隻加埋川貝同其他材料煲湯成5百蚊，真係有啲肉赤 ，所以今日嚟個平啲燉雪梨 ~

尋日去位元堂買川貝既時候個姐姐話我燥底加埋食咗成個月西藥，教我加埋陳皮去燉川貝會好啲，仲可以化痰架 ~

材料 : 雪梨2個 (切件去芯)、川貝3錢、陳皮2塊加埋水燉咗1個鐘，最後加埋蜜糖。

燉好打開好香陳皮味，比用南北杏燉好味，可能因為陳皮關係覺得川貝無咁苦 ~

番茄炆牛展

平時多數都係滷水牛展，之前係雜誌見到番茄炆牛展，比個賣相深深吸引，放工去買鷓鴣煲湯見到有牛展，所以買嚟試吓，仲將啲汁加埋意粉一齊食，yummy

材料 :

牛油                                                  50g

乾蔥 (切片)                                       2顆

蒜頭 (切片)                                       2顆

洋蔥 (切片)                                       2個

薑 (剁蓉)                                           1湯匙                

番茄醬                                               3湯匙

金錢牛展 (汆水備用)                        1條

番茄 (切粒)                                        2個

水                                                        720 ml (我用咗雞湯，因為無牛肉粒)

調味料 :

牛肉粒                                                1粒

糖                                                        1茶匙

鹽                                                        1茶匙

即磨黑胡椒                                        少許

粟粉水                                                少許 (我無落)

做法 :

下牛油煮溶，爆香乾蔥、蒜頭、洋蔥及薑蓉

加入番茄醬，下牛展、蕃茄粒期間一直攪至拌勻

加入雞湯、調味料，以熳火炆約1小時至牛展軟腍 (我用高速煲，煲咗15分鐘)，最後加入粟粉水，將牛展切片，食得呢 ~

  個汁用嚟拌意粉食，好好味架

食譜來源 : 新假期 ~ 571

醉雞髀

係我 waiting list 既食譜中，好難搵到醉雞呢個餸，因為我對酒精敏感唔可以食未經煮過既酒，所以好難整到好食既醉雞，最近睇到 May's 係雜誌教整醉雞髀好靚真係有啲想食，見做法簡單所以整比屋企人試吓 ~ 就連百彈廚神都話雞髀又滑酒味適中好正呀  仲可以 encore 呢 ~ 不過我就只係整同睇，但係無得食囉

 

材料 :
新鮮雞髀 1隻
紹興酒 1茶匙
鹽 1/8茶匙
蔥 (切段) 2棵
薑 1片


醉汁 :
糟滷 100 ml
雞湯 100 ml
冰粒 50g


做法 :
用鹽、紹興酒搽勻雞脾，醃過夜。
將雞髀、蔥及薑片一起放入滾水中，用中火煲5分鐘，熄火後，加上煲蓋焗15分鐘。將雞髀浸在醉汁中 (醉汁要蓋過雞髀面及至少浸1小時)，去骨切件，食得啦 ~

  呢個方法可以用嚟做醉雞翼，但最好用新鮮雞翼，味道會比雪藏雞翼好得多。

  可以在醉汁中加入一粒話梅，令醉雞帶有微微酸味。  糟滷可在南貨舖購買，其中 "上海寶鼎牌" 質素最好，可在新X陽買到。
食譜來源 : 飲食男女 ~ Issue 792

紫貝天葵水

唔知係未早排食咗成個月抗生素，攪到呢期生咗好多暗瘡，嘿嘿 ~ 我好難去暗瘡印架 ~

係 Yen 啲 blog 見到紫貝天葵一杯搞掂去水腫、消暑、減淡暗瘡，唔理三七廿一整返杯試吓先

材料 :

紫貝天葵                         1/2 両 (約19g)

水                                  2.5公升

冰糖                               適量

做法 :

將所有材料放入煲內，大火煲滾後轉細火煲20分鐘，熄火焗15分鐘

隔渣後放回煲內，加入冰糖煮容後，待凍放入雪櫃雪凍，飲得 ~

紫 貝 天 葵 　 清 熱 解 毒
傳 統 的 涼 茶 都 是 黑 色 的 ， 紫 紅 色 的 涼 茶 你 有 沒 有 試 過 ？ 紫 貝 天 葵 味 甘 、 性 寒 ， 具 有 清 熱 解 毒 、 利 尿 消 腫 ， 可 治 療 皮 膚 瘡 毒 、 喉 嚨 腫 痛 、 小 便 不 利 等 。 用 紫 貝 天 葵 煲 出 來 的 涼 茶 是 紫 紅 色 ， 除 了 色 彩 奪 目 之 外 ， 味 道 非 常 可 口 ， 而 且 功 效 絕 佳 ， 煲 好 後 加 點 冰 糖 雪 凍 ， 美 味 可 口 。

   上網睇到加檸檬會更加好味 ~

 

食譜來源 : yen之幸福廚房

西洋菜豬肺湯

咳咗成個月，咳到頭都痛埋，係時候整返個豬肺湯保吓個肺呢 ~ 今次擇咗 芳姐 西洋菜豬肺湯，清清地好味道 ~

材料 :

西洋菜                        1斤

豬肺                           1個

薑                              2片

瘦肉                           半斤

無花果                        4粒

陳皮                           1塊

今次都係用高速煲煲咗40分鐘，實在太方便呢 ~

明太子長通粉

明太子長通粉係喺 Kelly's 個 blog 到見到，覺得好正所以參考咗食譜整出嚟架，真係好味 ~ 呢個長通粉可以再 encore 呢 ....

材料 :

長通粉                           150g

蝦                                 8隻

花甲                              1斤

蒜蓉                              少許

白酒                              2湯匙

忌廉                              100 ml

牛奶 / 水                       100 ml

雜香草                           適量

明太子醬                        1包             

做法 :

花甲用水煮至開穀，拆肉備用。

蝦用去穀，洗淨吸乾水份，備用。

長通粉按包裝指示 (減去2分鐘) 用熱水煮熟，備用 (無須過冷過)。

下油鑊香蒜蓉、轉大少加入白酒煮香，加入忌廉、牛奶煮滾後加入長通粉，加入鹽、黑椒調味，加入蝦、花甲、明太子醬及雜香草，食得 ~

士多啤梨雪葩

部雪糕機今日剪綵囉  芒果 ? 藍莓 ? 士多啤梨 ? 定朱古力 ?，最後決定士多啤梨雪葩 ~ 事關方便又快呢  下次要整返個大少至愛芒果呢 ....

天氣淡熱最好就係食返杯雪葩呢 ~

 

材料 1 :
士多啤梨                        300g
糖                                  40g (原著為 80g)
檸檬汁                            2小匙
白酒                               2大匙 (因為對酒精敏感，所以無落)
水                                  30ml


材料 2 :
魚膠粉                            5g
水                                  3大匙


做法 :
雪糕機冷碗放入雪櫃，至少雪24小時，備用。
將材料2拌勻，待膨脹後備用。
將材料1之水及糖放入煲內開火加熱至糖煮溶冷卻備用。
士多啤梨去蒂切粒，加入糖水及檸檬汁、白酒放入攪拌機打勻，再倒入大碗中。
將膨脹的魚膠放入微波爐加熱30秒至溶解攪勻。
大碗底部隔冰水，逐少加入魚膠水攪勻，至要完全冷卻，備用。

● 要冷卻至手指伸入時覺得冷冷的狀態。

啟動雪糕機，倒入士多啤梨漿攪拌約20分鐘後移至保存容器， 放入雪櫃雪硬。


食譜來源 : 我愛冰淇淋

士多啤梨慕斯卷

呢個卷一直都好想整，今日終於可以整啦 ~ 雖然唔係咁靚仔，但味道唔錯，yummy


 

玫瑰咸蛋

之前睇生果日報見到原來啲鹹蛋係用黑色泥沙封住嚟醃，Jenny 仲介紹咗個簡單方便啲浸醃鹹蛋方法，加埋我鐘意既玫瑰花嚟浸，另鹹蛋帶淡淡既花香，醃製時加入一小杯 vodka 鹹蛋就會帶有香濃酒氣架啦。尋日又係 fb見到yan 醃鹹蛋，心思思想試吓 .... 鹹蛋黃又可以用嚟整月餅呢 ~

材料 :

鴨蛋4隻、清水300ml、粗鹽200g、亁玫瑰花2g

 

做法 :

粗鹽、清水，用大火煮滾後熄火，不必將鹽煮溶，待冷備用。

鴨蛋洗淨抺乾，放入樽內，加入玫瑰花，再加入鹽水蓋上蓋，鹽水不必浸滿整個樽，其間可以轉動樽身另鴨蛋每個位置浸到鹽水。跟住就係等 .... 30日呢 ~ 喜歡鹹啲可以醃40日喎 ! 

清熱

之前已經煲過紫貝天葵，但係大少唔多鐘意飲，今次加埋佢鐘意啲山渣嚟煲，煲完試咗小小，加咗山渣味道無咁酸有啲似酸梅湯，味道唔錯呢 ~


 

泰式酸辣鳳爪

今日晚餐廚神又玩上海麵 .... 唉 ~ 真係食到有啲驚，可唔可以放過我呢 ! 好彩尋日去九龍城見到有無骨鳳爪買咗返嚟整，尋晚返到屋企已經醃定，今日放工再買咗芹菜同芫茜，頭先試味覺得唔夠青檸味再加多個青檸汁落去，味道唔太辣 yummy ~

材料 :

無骨鳳爪、洋蔥、芹菜、芫茜

汁料 :

蒜蓉、青檸、辣椒、魚露、糖、水

做法 :

將材料加入汁料醃數小時或隔夜，食得 ~

愛上獨了蒜

蒜蓉係家中必備啲材料之一，通常我會買定幾包蒜頭返屋企攪成蒜蓉加入欖油入樽備用，今日買咗磅獨了蒜嚟整蒜蓉覺得味道比一般蒜蓉香、攪碎後已然有蒜油出嚟比一般蒜蓉多，所以今次試吓唔加欖油睇吓會唔會變綠色先

 
1磅獨子蒜得咁多多 .... 唔係化

攪碎後得返1樽

Pooh Pooh 布甸 ~ 芒果味

前日行街街既時見到個餅模諗住用嚟整返個布甸比契仔，事關契仔2歲生日啦 ~ 知佢鐘意 pooh pooh 所以放棄咗我既至愛 .... 米老鼠 ，今日放工返到屋企就開工整布甸，第一次用個餅模真係有啲驚驚，最後脫模成功 yeah ~

 

今次用咗2份材料嚟整個 pooh pooh，最後有6杯留返比大少食 !

自製雪糕月餅

每年中秋節都好想整啲月餅比朋友仔，今年玩玩新嘢 .... 雪糕月餅，朱古力外層配上自製既雪糕加埋餅面既金粉，嘩 ! 今日第1次整，總算合格 ~ 仲有改進啲空間，要努力呢 !

滿足既晚餐

前幾晚同大少去飯堂開飯，佢話好想食多寶魚，真係未玩啦 ~ 一般茶餐廳既小菜邊到有多寶魚過你食呢 ! 今日大少要求煮飯過佢食，要做好太太既我當然要滿足吓大少既要求啦 ~ 第一時間當然去搵多寶魚過佢食啦 ，買吓買吓搞咗3餸1湯出嚟  3個人食會唔會過份咗啲呢

清蒸多寶魚

粉絲蝦、廣島蠔煲

蒜蓉賴尿蝦炒椰菜

仲要加個冬瓜粒湯 ~ 嘩 ! 好滿足呢 ~

酸梅湯

近期天氣實在太熱，我同大少都唔鐘意飲水，羅漢果茶同薏米水大少都唔多鐘意飲，平時同大少去打邊爐佢都會叫渣酸梅湯嚟飲，所以今日就湯返個酸梅湯過佢

材料 :

烏梅                                 1杯 (約100g)            

山楂                                 1/2杯 (30g)

甘草                                 6片 (4g)

糖冬瓜                              1/3 包 (約100g)

片糖                                 3/4片

水                                    2.5公升

做法 : 

將所有材料放入蓋內大火煲滾後轉細火煲1小時，待凍 ~ 飲得 !!

羅漢果水

之前睇為食總司令介紹個羅漢果水，都已經想煲嚟飲，跟住蘇 GOOD 又介紹，係網上搵到有關羅漢果既資料，原來羅漢果好有益架，真係又平又正，只係煲20分鐘就搞掂，味道甘甘地有少少甜，好味道呀 ~

材料 :

羅漢果                        1個

水                              2 - 2.5公升

做法 :

將羅漢果殼及核壓碎後加入冷水，煲滾後轉細火煲20分鐘，蓋煲蓋焗20分鐘，待涼後 ~ 飲得 !! 

 

從「祛邪扶正」的中醫角度看羅漢果

羅漢果味甘，性涼，無毒。具有清肺止咳、涼血止血、生津潤腸的功效。入肺、脾經。

根據中醫理論：肺主氣，司職呼吸，與喉嚨及聲音相關，又肺與大腸為臟與腑相表裡，故與腸道相關聯。外感風熱或燥邪所引起的病變，如咳嗽痰黃，口渴唇乾，心煩氣燥等症，都可用羅漢果清肺止咳潤燥。假如陰虛肺熱或是火熱灼肺，損傷肺絡所引起的咳血吐血，也可以選用羅漢果取其涼血止血之功。

 

羅漢果可舒緩什麼病

 

羅漢果對因游離基氧化而引起疾病如高血壓、糖尿病、胃病、便秘、肚潟、炎症、哮喘、敏感症等等，都有一定的舒緩療效。另外如身體陽盛，過食辛熱厚味，以致胃熱積熱而導致的便秘，或外感熱邪，又或者熱病後期，耗傷津液而發消喝，也可選用羅漢果潤腸通便，清熱瀉火，生津止渴。

 

羅漢果能「排毒」

羅漢果含有幾種抗氧化淨化物質，化解體內因新陳代謝而產生的游離基，防止游離基氧化細胞組織，致令身體機能失調，引起疾病。簡單地說，羅漢果的淨化功能，能針對並化解廣泛疾病的源頭 ─ 游離基。

羅漢果可預防什麼病？

既然羅漢果有助除去體內積聚剩餘的氧化游離基? A即指出羅漢果亦能減慢因氧化而老化的情況，防止未老先衰而逕生的臟腑衰竭現象。因老化而引起身體機能失調的病症，包括因血管運作失常，動脈硬化而導致的心臟病、腦中風和老人痴呆等病變。對於隨年齡增長而出現的老人斑、白髲及脫髲、白內障等現象亦有一定幫助。

 

  要揀靚羅漢果，首先最好將羅漢果輕力由距離檯面一、二吋的地方放下，如果像「乒乓球」般的會「彈起」，証明不是「空心」，亦即是上品。又或在耳邊輕輕搖，搖得響便是不好的。

話梅雞翼

 

材料 :

雞翼 6隻、花雕酒 1湯匙、鮮醬油 2湯匙、話梅 20粒、冰糖 80克、水2 1/2杯、生抽 1茶匙、老抽 1湯匙

 

做法 :

1.將雞翼洗淨後，加入鮮醬油拌勻醃 30分鐘。

2.話梅放入水中用中火煮滾，放入冰糖、生抽及老抽拌勻煮 10分鐘。

3.然後倒入花雕酒，再放入雞翼煮 8分鐘至熟透。

4.熄火後冚蓋浸焗 10分鐘即成。