川貝燉雪梨

又係川貝燉雪梨，食咗個幾月西藥，啲咳都係唔停真係唔想再食西藥，尋日買鷓鴣煲川貝一家人飲，原來急凍鷓鴣都好貴架 ~ 成120蚊隻個店員話用嚟燉會好啲，1隻可以分2次飲 (1個人)，我地9個人燉湯太貴啦，最後買咗2隻加埋川貝同其他材料煲湯成5百蚊，真係有啲肉赤 ，所以今日嚟個平啲燉雪梨 ~

尋日去位元堂買川貝既時候個姐姐話我燥底加埋食咗成個月西藥，教我加埋陳皮去燉川貝會好啲，仲可以化痰架 ~

材料 : 雪梨2個 (切件去芯)、川貝3錢、陳皮2塊加埋水燉咗1個鐘，最後加埋蜜糖。

燉好打開好香陳皮味，比用南北杏燉好味，可能因為陳皮關係覺得川貝無咁苦 ~