瑞士汁干炒义燒意粉

每次整完瑞士雞翼都覺得啲汁好浪費，今次就用埋嚟整干炒义燒意粉，hehe !

材料 : (3人份量)

义燒                           半斤

洋蔥                           1個

意粉                           300 g

瑞士汁                        適量

水                               2公升

鹽                               適量

做法 :

1.   义燒切絲、洋蔥切絲、備用。

2.   煲滾2公升水、下鹽放入意粉煮熟 (時間按照意粉包裝上啲時間減去2分鐘)，隔去水份 (無須過冷過)。

3.   下油爆香洋蔥、义燒後加入意粉，再加入瑞士汁炒勻後，加入鹽調味即可。

瑞士雞翼

今日係超市買咗啲急凍點心，返到屋企發現冰箱有包急凍雞翼，見廚房有支醬油，一於整瑞士雞翼比大少食啦，啲汁仲可以用嚟整瑞士汁干炒义燒意粉，加碟菜就一餐啦 !!

材料 :

急凍雞翼                        1包

醬油                               500 ml

雞湯                               500 ml

紹興酒                            半杯

冰糖                               適量

薑                                   幾片

蔥                                   幾棵

做法 :

1.   雞翼洗淨，煲滾1煲水，加入薑、蔥煮滾後加入雞翼汆水數分鐘後，放入冰水至雞翼完全冷卻，備用。

2.   將醬油、雞湯、紹興酒及冰糖煮滾，試味後再加入雞翼蓋上煲蓋煮滾後，熄火焗20分鐘。

炒年糕

前幾日睇都市閒情教整炒年糕，過年啲時候大少已經叫我整，今日佢放工又唔想出街食，咁就整炒年糕個佢食啦，唔洗諗煮咩嘛

材料 :

年糕                                      1包

冬菇                                      10隻

塔菜                                      1斤

金華火腿                                幾片

薑                                          幾片

調味料 :

鹽                                          少許

花鵰酒                                    適量

雞粉                                       1/2 茶匙

生抽                                       少許

雞湯                                       半碗

胡椒粉                                    少許

做法 :

1.   冬菇洗淨、浸軟去蒂切絲，金華火腿切絲，塔菜撕成一棵棵洗淨，年糕切件後用水浸3-4小時備用。

2.   下油鑊香薑、金華火腿、冬菇絲，加入塔菜炒勻。

3.   年糕隔去水份，加入 (2)，下調味料，蓋鑊蓋煮10分鐘，將所有材料攪勻調味即可。

   下年糕時要將塔菜放於鑊底，年糕放於塔菜面煮，因為年糕好易黏底架 ~

炆鴨舌

今日係某週刊入面見到炆鴨舌，睇見就好想食只係炆20分鐘就食得，所以就整嚟食吓醫吓口痕啦  ，仲可以炆定放係雪櫃隨時攞出嚟請客，呵呵 !!

材料 :

急凍鴨舌                        1包

油                                  少許

蔥                                  2棵

薑片                               數片

調味料 :

水                                  200ml

生抽                               1湯匙

八角                               1粒

冰糖                               適量

紹興酒                           1湯匙

雞粉                              1/2 茶匙

老抽                              1茶匙

辣椒                              2隻 (切粒)

做法 :

1.   鴨舌放入滾水汆水10秒，隔去水份洗淨。

2.   燒熱小煲下油鑊香薑、蔥，加入所有調味料煮滾後，加入鴨舌。

3.   所有材料及汁料煮滾後，蓋上煲蓋用中火煮20分鐘，調味即可。

食譜來源 : 新X期 ~ 546

蒸糕 bell ~ 芋頭糕

又係一年一度蒸糕啲日子，先嚟個快啲芋頭糕先 ，個食譜係舊睇蘇 GOOD學架，以前已為芋頭糕好難搞，睇咗先知原來比起蘿蔔糕易整好多架，所以今年可以再整過  ，但係我改良咗個食譜，因為我同大少都鐘意啲芋頭淋身啲，所以我將啲芋頭煮好全部壓成溶，好好味架 ~

材料 : (2 x 8" 高身鍚紙盤)

芋頭                             2斤

臘腸                            半斤

膶腸                            半斤

冬菇                            12隻

瑤柱                            12粒

水                                4杯 (煮芋頭用)

調味料 :

五香粉                        1茶匙 (分2次用)

生抽                           適量

鹽                              少許

古月粉                        大量

粉漿 :

粘米粉                        2杯

生粉                           1 1/4 杯

澄麵粉                        1/4杯

水                              2杯

做法 :

1.   臘腸、膶腸、冬菇洗淨用水浸軟後切粒，瑤柱用蓋過面蒸20分鐘撕成絲，下油加入臘腸、膶腸、冬菇及瑤柱絲，再加入1/2茶匙五香粉鑊香、備用。

2.   芋頭切成粒，下油鑊香後，加4-5杯水煮至軟身，壓成溶，放回鑊中 (不用開火) 加入五香粉 (1/2茶匙)、生抽、鹽及古月粉攪勻。

3.   加入 (1) 攪勻，將粉漿材料攪勻用篩隔至粉粒後加 (2) 中攪勻，放入糕盤內，用大火蒸45分鐘。

參考食譜 : 蘇 GOOD

 個食譜我舊年都整過，真係好好味架 ~

蒸糕 bell ~ 蘿蔔糕

蘿蔔糕係我一直好鐘意啲賀年糕點，自從爸爸離世後就無食過自家制啲蘿蔔糕，係街買啲蘿蔔糕除咗材料少仲得粉漿，無咩蘿蔔味，幾年先向契媽偷師學整，跟住每年都自制蘿蔔糕，後嚟睇咗 "一粒鐘真人蘇" 見到亞蘇家姐教整蘿蔔糕個方法同契媽唔同，舊年就跟住試吓整，真係好好味所以今年都用返個食譜 。因為我同大少都鐘意食煎啲蘿蔔糕，所以我改良咗個食譜，煮完啲蘿蔔漿會比較硬身，方便切出嚟煎嘛 ~

材料 : (5 x 8"短身鍚紙盤)

蘿蔔                           7斤

粘米粉                        1包 (減去1杯)

澄麵粉                        1杯

冬菇                           12隻

臘腸                           半斤

膶腸                           半斤

瑤柱                           12粒

水                              水量 (約1杯，可用蒸瑤柱水)

調味料 :

鹽                              4茶匙

糖                              1/2茶匙

蠔油                           1/3支 (約 200ml)

古月粉                        大量

做法 :

1.   蘿蔔刨絲隔去水分，冬菇洗淨浸軟後切粒，臘腸、膶腸切粒，瑤柱加水蓋過瑤柱面蒸20分鐘後撕成瑤柱絲，備用。

2.   下油加入冬菇、臘腸、膶腸及瑤柱絲鑊香，備用。

3.   下油將蘿蔔絲煮至軟身，熄火下調味料攪勻，再加入 (2) 攪勻。

4.   粘米粉、澄麵粉攪勻後用篩分數次加入 (3)，每次加粉要將材料攪勻 (小心有粒粒呀 ~ 要慢慢加，一定要熄咗火先呀。

5.   將所有材料攪勻 (啲無粉粒粒)，放入糕盤內，用大火蒸45分鐘。