西洋菜山班魚湯

今日好想飲西洋菜湯，本來諗住嚟個西洋菜豬肺湯，去到街市無灑豬肺喎

咁就嚟個西洋菜山班魚湯啦

材料 :

山班魚                        2-3條

西洋菜                        1斤

豬展                           半斤

南北杏                        少許

蜜棗                           1粒

薑                              2片

蘿漢果                        1個

水                              2公升

做法 :

山班魚洗淨，下油爆香薑片後將魚煎至2面金黃色，盛起放入魚袋，備用

西洋菜洗淨、切段，豬展汆水後，盛起備用

煲滾水後，將所有材料放入煲內煲2.5小時，調味 ~ 飲湯啦

蘿蔔絲鰂魚湯

叉燒炒意遇上蘿蔔絲鰂魚湯 ????

材料 :

白鰂魚                        1條

蘿蔔                           1條 (切絲)

紹酒                           適量

薑                              數片

熱水                           1 - 1.5公升

做法 :

鰂魚洗淨吸乾水份，蘿蔔去皮切絲，備用

下油爆香薑片，加入鰂魚煎至2面金黃色後，加入紹酒、滚水及蘿蔔絲用中火滾30分鐘，加鹽調味即可 ~

干炒义燒意

大少前幾日已經 order 要食叉燒炒意粉，今日有再要求 .... 唉 ~ 無辨法一定要整過佢食

湯怪啲我當然要整返個湯比自已飲啦

蘿蔔絲鰂魚湯

材料 :

叉燒                                 適量 (切絲)

意粉                                 200g

洋蔥                                 半個 (切絲)

本菇                                 1包 (去蒂)

煲仔飯醬油                        適量 

做法 :

意粉按照包裝指示用熱水加入鹽煮至8成熟，盛起備用 (無須過冷河)

下油爆香洋蔥、叉燒及本菇炒勻，加入意粉至乾身後，加入煲仔飯醬油兜勻，加入鹽調味，食得 ~

猴頭菇花膠湯

今日天氣好熱又落雨，完全無心機整嘢食，去到超市見到啲湯包減價，買2包平咗20幾蚊，最後買咗4包 ~ 今日煲返過靚湯飲呀先

今日煲咗個猴頭菇花膠湯包，加咗啲紅蘿蔔、粟米同豬展，好正呀 ~

最後仲整咗個魚香茄子炆伊麵，好滿足呀

芥菜大眼雞豆腐湯

又係魚湯呀  近期無咩心情玩煮飯仔加埋天氣咁鬼熱，去到街市又唔知想整咩好，最後決定整個湯算啦 ~

材料 :

芥菜                           半斤

大眼雞                        2條

豆腐                           1件

薑                              數片

滾水                           1 - 1.5公升

做法 :

大眼雞去皮，洗淨吸乾水份，備用

芥菜、豆腐洗淨，切件，備用

下油爆香薑片，加入大眼雞煎至2面金黃色後，加入滾水用高速煲轉小火煲15-30分鐘後熄，待高速煲自動排氣後，加入芥菜、豆腐用中火滾15-30分鐘，下鹽調味，飲湯啦 ....