四季烤麩

烤麩係我多年前整過，當時係街市見到問老板娘點整，自從老板娘無做之後都無整過，上次係上海鋪問咗返嚟整，但係廚神樹整次次煮啲嘢唔係焗濃咗，就係唔好食仲要話係我煮架，有時就係好激氣，煮得好食就係佢煮，唔好食就係我煮 .... 嘿嘿

前幾日係超市見到有急凍嘅賣，所以買返嚟整，整好先攞去廚神樹，咁就唔洗驚比佢又攪到唔知咩味囉 ~ 今次味道好好，個個都好鐘意食，攪到廚神無嘢講 .... 哈哈，巧開心呢

材料 :

冬菇 8隻 (已炆好)

急凍烤麩 2包

木耳 適量

蒜頭 2粒

草菇老抽 2湯匙

蠔油 1湯匙

水 適量

做法 :

煲滾1煲水，加入烤麩 (水份蓋過烤麩面約1吋即可)，用熳火煮約30分鐘，取出沖凍水至烤麩冷卻後，用手撕成一口大細，再用廚房紙吸乾水份，燒熱約1少碗油用半煎炸方式，至烤麩兩面金黃盛起，用廚房紙吸乾多餘油份，備用

冬菇係冰箱取出，解凍後切半，備用

木耳用水浸至軟身，隔去水份，備用

下油爆香蒜頭，加入冬菇爆香，加入烤麩及木耳，再加入草菇老抽、蠔油及水 (蓋過材料面即可)，用大火煮滾後轉細火煮至收汁，即可