勁薑蕃薯糖水

經過 piago 見到日本蕃薯，好靚價錢唔算貴，所以買咗1包返屋企，之前試過焗熟嚟伴牛扒一齊食，今晚大少同客食飯，我就簡簡單單整咗個米粉做晚餐，留返啲 quota 嚟食蕃薯糖水呢，加咗超多薑、黑糖整成糖水，勁薑味 .... 好好味呀 ~

蕃茄蘋果汽酒燉牛肚

早前係亞銀 blog 都見到呢個菜已經好想整，可惜當是未有食譜，最近見到亞銀加咗食譜，搵咗幾日終於比我買到急凍牛肚，雖然無亞銀整得咁靚仔 .... 但真係好好味呀 ~

材料 :

急凍金錢肚                        1個

蒜頭                                    2粒 (切碎)

洋蔥                                    1個 (切件)

甘筍                                     2條 (切件)

蘋果汽酒(cider)                  200ml

罐頭蕃茄                             1罐

牛肉湯                                 400ml

油浸鯷魚                             2片

月桂葉                                 1片

百里香                                 少許

小洋蔥                                 8粒

黑水橄欖                             10粒 (我無落因為唔食呢)

意大利蕃茜                         少許 (切碎)

汆水材料 :

月桂葉                                  1片

原粒黑椒                              1茶匙

蒜頭                                      1粒 (拍碎)

水                                           適量

做法 :

金錢肚解凍、洗淨，將汆水材料入煲內煮沸，瀝乾切粗條待用。

燒熱煲後，下湯匙橄欖油爆香蒜頭、洋蔥，再加入牛肚拌炒一會。再下蘋果汽酒煮一會，待揮發1／3酒量後，下罐頭蕃茄、甘筍、鯷魚、月桂葉及百里香，最後加牛肉湯至剛好蓋過材料。煮滾後下少許鹽，加蓋慢火或入爐180度，燜45分鐘﹣1小時，或至牛肚軟化。 (我就用高速煲煮約15分鐘，待高速煲自行排氣)

最後下小洋蔥及黑水欖煮約15分鐘，下鹽及黑胡椒調味，灑上意大利蕃茜，食得呢 ~

食譜來源 : 阿銀廚房筆記

喫仔既溫暖牌冷帽

之前鉤咗頂帽比朋友仔，仲有啲冷係到，所以鉤多頂比喫仔，今次將鉤同織2合1，鉤好之後加咗個彈弓腳等佢帶得舒服啲

 

醬瓜 (附食譜)

醬瓜 (附食譜)

材料 :

溫室小青瓜                        1斤

砂糖                                  1杯

萬字醬油                            1杯

工研白醋                           半杯

辣椒                                  隨意

做法 :

小青瓜洗淨抺乾水份斜切片，厚度約3cm

將所有材料 (小青瓜除外)以大火煮滾，邊煮邊攪拌至糖完全溶解

加入小青瓜大火煮，要不停翻動青瓜片至醬汁煮滾後，續煮約分半鐘

關火後將整煲放入冰水內坐冷，待完全冷卻後放入雪櫃

2天後 .... 食得啦，仲可以保存1個月架，嘩 ~ 

食譜來源 : 熙媽

懷舊醃蘿蔔

尋日同 honey 心靈相通，大家都想整醃蘿蔔，放咗工大家就各自買材料返屋企，今日放工返嚟整咗啦

前日係個 blog 到見到醬瓜好想食，所以整埋佢，2日後一齊食呢

醃好既蘿蔔，等2日就食得....

醬瓜 ~

年初四打邊攎

由初一至初三都係屋企開餐，今日大少話想出街食飯

最後由百彈廚神決定去九龍城打邊爐 ~

大少至愛既豬肺湯底、炸腐片卷、蜂巢豆腐、牛肉粒

蠔餃

脆骨腩

當然唔少得肥牛呢 ~

懷舊醃蘿蔔 (附食譜)

懷舊醃蘿蔔

 

材料 :

清水                           250ml
砂糖                           200g
白醋                           250ml
白蘿蔔                        2個
粗鹽                           100g

做法 :

將水、砂糖煲45分鐘，擱涼後加入白醋，備用

蘿蔔去皮，打直從頭至尾切成兩半，然後打橫切件，約1.5cm 厚，每件蘿蔔再片三刀成風琴狀，用粗鹽醃2小時後沖洗乾淨至完全清除鹽味，瀝乾水份

蘿蔔放進密封玻璃樽內，加入白醋汁醃2日，食得呢 ~

  可加小辣椒一齊醃呢 ~

食譜來源 : 飲食男女

情人節晚餐

又到情人節啦 .... 祝大家情人節快樂 ~

眨吓眼同大少已經過咗15個情人節啦 .... 希望一直牽手到老

今年我同大少跟住年一樣，唔想出街決定留守家人中跟貓咪一齊過情人節

咁你、妳同您又點過呢 ~





主要既材料 : 澳洲和牛、銀雪魚、磨菇、鵝肝及西蘭花 ....

大少既和牛




我既銀雪魚

年初三自家煮

今晚大少又話要食住家飯，同大少食咗早餐就去街市買嘢

今年經濟係未好咗呢，街市得幾個舖開工，真係唔知整咩好 ....

大少只係要求要食多寶魚 (係佢近期最愛既魚魚呢) ，我見近期無整過雞雞比佢食，所以買咗隻雞再買埋菜，返屋企準備晚餐呢

是日菜單 ....

清蒸多寶魚

自製海南雞，跟海南雞飯 .... 嘩 ~

臘腸炒芥蘭

加埋個淡菜薯仔湯，三餸一湯，哈哈 !

年卅 ~ 蒸糕 bell

仲有幾個鐘就兔年啦 .... 虎年真係好黑，希望今年事事順利，大少錫晒我比晒啲錢錢我呢 .... 今年除咗蘿蔔糕、芋頭糕之外，仲想 .... 整埋桂花馬蹄糕，要努力呢 ~

留比朋友仔既 ~

 

煎好啦 .... 係我同大少既消夜呢 ~