冬瓜盅

上星期係街市買嘢煲冬瓜湯嘅時候見到有荷蘭迷你冬瓜，諗住今日去買嚟整冬瓜盅，唉 .... 無咗呢 ~ 街咗成過街市諗住放棄之際，比我見到有幾個迷你冬瓜呢，唔理咁多買咗先，返到屋企即刻係冰箱攞啲蝦出嚟解凍，浸埋瑤柱同冬菇，冬瓜盅我嚟啦 ~

材料 :

迷你冬瓜                        1個

冬菇                                4粒

瑤柱                                2粒

蝦                                    8隻

蓮子                                8粒 (去芯)

瘦肉                               適量 (今次買咗10蚊雞) 

水                                   適量

調味料 :

鹽、胡椒粉各少許

做法 :

冬瓜橫切開頂部挖去瓜瓤，冬菇浸軟去蒂切粒，瑤柱浸約1小時 (保留浸瑤柱水備用)，瘦肉切粒，蝦去腸與瘦肉一同汆水盛起備用

煲滾水放入蒸架，所有材料 (蝦除外) 放入冬瓜內，用高速煲煮約15分鐘，待高速煲自行排氣 (無高速煲則以大火蒸約1小時)，加入調味料、夜香花 (今日買唔到所以無加) 及蝦即可。

9週年紀念

曾聽說上帝創造人類本來就是一雙一對，為了考驗他們所以將他們分開在不同的地方，要他們自己尋回另一半，那麼他們會尋找正確嗎 ?

很久前看過一套台戲，講述男 / 女主角相約戀人到遊輪渡假，陰差陽錯女主角走錯房間醒來愕然發現自己跟男主角發生一夜情又發現男友偷食，戀上有錢寡婦拋下而她去，一個月後發現懷有男主角小孩，男主角為九代單傳，嫲嫲一心希望老天賜給她一個小曾孫，後來嫲嫲知道此事要求男 / 女主角結婚否則將此事告知其拍拖三年到了外國巡迴表演之芭蕾舞女友，女主角為了孩子同意結婚，但男 / 女主角瞞著嫲嫲簽下一張婚前協議，注明生完孩子兩人就要離婚並給予女方一筆錢後互不相久，不久女主角搬到男主角家居住，漸漸不喜歡回家吃飯的男主角也開始回家吃飯，開始購買嬰兒房的物品及小孩子玩具，覺得幸福之時 (此時他們心中已愛上了對方呢 )，但女友突然回到身邊，跟女友說清楚事件後，女友私下給女主角簽署一張流產協議書，說男主角不想要這個孩子，女主角誤信這是男主角的決定，只留下一張離婚協議書就離開了，還不幸地意外流產，此時女主角決定離開這個傷心地跟好友到上海尋找自己理想，數年後女主角回到台灣並因工作再偶上男主角，這數年來女主角不知不覺間已佔據在他心中，男主角決定重新追回女主角，不再是從前只是孩子爸爸那模樣，最終他們也走在一起 .... 這真的是命中注定嗎 ?

回憶 .... 從朋友中認識大少，每次聚會總跟他鬥氣，沒想到數年後跟他相戀 .... 成為夫妻，回想結婚那天好像是昨天發生的事，心裡還是很甜，雖然只是一個平凡的婚禮，但他給了我一個溫暖的家、愛還有包容，眨吓眼結婚9年了，在這個幾百萬人既地方，跟他遇上 .. 相識 .. 相戀 .... 這是偶然 ?? 緣份 ?? 命中注定 ?? 不論是什麼只想跟他一起走住後10年 .... 20年 .... 牽手到白頭 ~

婚後嘅情人節同結婚週年多數都係家中煮愛心晚餐，今年突然想出街食，可能係平時少出街食飯所以想去吓街街呢，最後大少決定去打邊邊 .... 之後由尖沙咀行去佐敦坐小巴返屋企，回憶拍拖時嘅片段  真係好 sweet 呢 ~

個海鮮魚湯底好多料 (有蟹、蝦、花甲、蠔、九肚魚、粟米、豆腐 ....) 加埋雪花肥牛、魚三角、萵筍、蟹子包心丸，好滿足呢 ~

冬瓜荷葉消暑去濕湯

近期天氣太熱，日日都成20幾30度，係條街到行得長時間都會溶，記得小時候天氣熱鄭爸爸久不久就個煲呢個湯，消暑去濕喎，我最鐘意連埋啲冬瓜一齊食，yummy ~

呢個湯包係街市對面嘅南貨舖買，平時買開嘢個間舖嘅老板已經退休啦 ~ 唉 ....我平時去街市買嘢多數去開個幾間，好少轉嚟轉去，時關啲舖頭熟咗有時買得少都唔會比人話麻，今次去呢間舖都開咗好多年，之前行咗好多間舖都買唔到蟲草花，最後得呢間舖買到，個老細仲好好教埋我點煲，所以今次去返呢間舖，見到個湯包啲料同平時買開嘅唔同，個老板娘話佢啲料係同出面買嘅係有啲唔同，每個湯包仲有張紙寫明材料、煲法同功效 .... 仲話呢啲料好啲，煲出嚟個湯好清又教埋我點煲，煲出嚟個湯真係幾清架，好甜好味 ~

睇吓個湯包，材料、做法、功效寫得好清楚

加咗2斤冬瓜同豬展，煲出嚟個湯同平時係街市買開嘅湯包唔同架 ~

   原來塊荷葉係煲好個湯先加落去，返滾咗就熄火焗5分鐘後，將荷葉盛起，否則個湯會苦架 ~ (老板娘教呢)

蟲草花棕櫚果甘筍湯

去台灣之前已經覺得條氣管漲漲地，返到香港可能加埋天氣又熱又落雨終於氣管敏感發作仲搞到喉嚨發炎，食咗2日西藥都唔係好得，乾咳好辛苦，係芳姐個 blog 到睇到呢個湯，屋企又有材料，只係去街市買個甘筍就得，所以保嚟試吓 .... 真係好潤，好正呢 ~

材料 :

棕櫚果                        1包

蟲草花                        5錢

甘筍                            1條

甜杏仁                        1両

紅棗                            8粒

水                                2 ml

做法 :

紅棗去核、甘筍去皮切件，其餘材料洗淨，將全部材料放入煲內，煲2.5-3小時，飲得 ~

  棕櫚果 : 有化痰止咳功效，皮化痰功效肉更好，煲湯時記得唔好去皮呀

  蟲草花 : 含蟲草多醣，能強壯體質，益肺氣，對咳喘患者非常有益

  此湯功能滋陰潤肺、化痰止咳、對容易敏咳嗽人士很有益處

湯水及資料來源 : 芳姐保健湯餸