北海道牛奶布丁

呢個布丁係 market place 試食過，1樽要成 16蚊好貴，係 fb 見到朋友仔整咗，佢話好滑好正，問咗佢點做之後放工買咗材料返屋企整，發覺有本 cook book 入面都有呢個食譜  材料好簡單，唔洗30分鐘就搞掂 ~

材料 : (約6杯份量)

牛奶                                    200ml

忌廉                                    90ml

糖                                        20g (原食譜30g)

雲呢拿香油                        少許 (可不加)

魚膠粉                                4g (份量可隨個人喜歡增加)

水                                        16ml (水份量為魚膠粉之4份)

做法 :

將牛奶、忌廉及糖放入鍋內，用中火攪拌至糖溶解關火，待稍為冷卻，備用 (不能大火，因忌廉煮得太熱會分解，故煮至糖溶解即可，過程很快唔好行開呀 ~)

魚膠粉加水攪勻，加入牛奶及雲呢拿香油攪勻。

用篩過瀘後倒入杯內，放入雪櫃待凝固後食得 ~

真係又滑又好味，自已整平啲又少甜，yummy >.<

食譜來源 : 我愛杯子小甜點

醉鴨舌

自從上次整咗醉雞脾比大姑拉食佢就愛上咗，無論係醉雞、醉鴨舌、醉蝦，總之係醉 .... ，見屋企又有材料，仲可以清埋冰箱既鴨舌  用咗上次整醉雞既方法，尋日將啲鴨舌解凍用少少鹽同酒醃好，今晚放工返嚟將鴨舌汆水，煮熟後浸咗陣冰水 (因為想啲鴨舌爽啲)，放咗入樽浸 .... 2日食得 ~ 唔知味道如何 ?   但係我就只係整同睇無得食呢  .... 唉 ~ 下次不如整 .... 醉蝦